nieuws
"Dagdreum'n" van Diny Meijer-Groothalle
null
DAGDREUM’N
`k Stoa een bettie dag te dreum'n
op mien tocht deur `t Doarl’se laand
want doar tref ik op de zaandweg
steevast an mien rechterhaand
De watertoren, Doarle s wachter
statig stiet e doar in 't veld .
A’j konn' proat n, watertoren,
wat ha’j dan an oons verteld ?
Alles wat oen oong' ezeen hebt
in de joar’n det iej doar stoat:
nooit heb iej een woord tevöll 'zeg
of oen mond veurbiej e proat.
Wat zich veurdut in oons dörpie
trekt an oene oong' veurbiej
en iej stoat doar, onverstoorbaar
net o’j zeng' wilt: "Kiek noar miej,
wèèst niet bange, of onrustig,
alle dinge komt en goat."
Och watertoren, ik stoa te dagdreum’n,
mar 't is net, o’j met miej proat.